PIT TROMOL

Pit Tromol sing dadi seksi

Tresnane inyong maring rika

Ora owah ora gingsir

Kaya glindhingan sing terus ngglindhing

Nganti alus merga kekarepane inyong sing tulus

Bisaa njagong jejer semandhing

Pit tromol song dadi seksi

Tresnane maring ko

Sadhel anyar sing barengi tuwuhe anyare tresnane inyong

Sekang kulit sing esih kandel

Ora liya merga kandele gegayuhan

Maring ko bener-bener ngandel

Menawa ko gelem urip bareng karo inyong

Pit tromol sing dadi seksi

Tresnane inyong maring ko

Pitung taun lawase inyong nglakoni

Sliwar sliwer sekang Jero Tengah gutul Pekuncen

Awan wengi, panas udan ora peduli

Dalan watu pating brenjul nganti tiba meng blumbang, tek tilalahi

Merga sekang gedhene tresnane inyong, bisaa gutul dadi penganten

Pit tromol sing dadi seksi

Tresnane inyong maring ko

Bisa dadi seksi lan mengkone

Bisaha gutul kaken-kaken ninen-ninen

( Hary Setyawan, ANCAS Magazine edisi Nopember 2011, khusus untuk istriku tercinta Sri Purwani )facebook :
sdn1kemawi@yahoo.co.id